Madaxweynaha Faransiiska Emmanuel Macron ayaa Sabtidii sheegay in arrintan uu ka hadlay intii lagu jiray wicitaan uu la yeeshay dhiggiisa Iran, Masoud Pezeshkian, oo isagu bilaabay wicitaanka.
“Mar kale, mowqifkaygu waa mid cad: Iran marnaba waa inaysan helin hub nukliyeer ah, waana mas’uuliyadda Iran in ay bixiso dammaanad buuxda oo caddeynaysa in ujeeddooyinkeeda ay yihiin kuwo nabadeed,” ayuu Macron ku qoray baraha bulshada, isaga oo intaa ku daray in dadaallada diblomaasiyadeed la sii wado si loo xalliyo xiisadda hadda taagan.
“Si taas loo gaaro, waxaan dedejin doonaa wadahadallada ay Faransiiska iyo saaxiibadeeda Yurub hoggaaminayaan ee la xiriira Iran.”
Macron ayaa sidoo kale sheegay inuu ka codsaday Iran sii deynta laba muwaadin Faransiis ah oo tan iyo 2022 lagu hayo Iran eedeymo la xiriira basaasnimo.
